Kaali Kavacham Lyrics in Telugu Lyrics

{॥ కాలీకవచమ్ II}
భైరవ్ ఉవాచ - -
కాలికా యా మహావిద్యా కథితా భువి దుర్లభా |
తథాపి హృదయే శల్యమస్తి దేవి కృపాం కురు ॥ ౧॥
కవచన్తు మహాదేవి కథయస్వానుకమ్పయా ।
యది నో కథ్యతే మాతర్వ్విముఞ్చమి తదా తనుం ॥ ౨॥

శ్రీదేవ్యువాచ -

శఙ్కాపి జాయతే వత్స తవ స్నేహాత్ ప్రకాశితం |
న వక్తవ్యం న ద్రష్టవ్యమతిగుహ్యతరం మహత్ || ౩||
కాలికా జగతాం మాతా శోకదుఃఖవినాశినీ |
విశేషతః కలియుగే మహాపాతకహారిణీ ॥ ౪॥
కాలీ మే పురతః పాతు పృష్ఠతశ్చ కపాలినీ |
కుల్లా మే దక్షిణే పాతు కురుకుల్లా తథోత్తరే ॥ ౫॥
విరోధినీ శిరః పాతు విప్రచిత్తా తు చక్షుషీ |
ఉగ్రా మే నాసికాం పాతు కర్ణా చోగ్రప్రభా మతా ॥ ౬॥
వదనం పాతు మే దీప్తా నీలా చ చిబుకం సదా |
ఘనా గ్రీవాం సదా పాతు బలాకా బాహుయుగ్మకం ॥ ౭॥
మాత్రా పాతు కరద్వన్ద్వం వక్షోముద్రా సదావతు |
మితా పాతు స్తనద్వన్ద్వం యోనిమణ్డలదేవతా ॥ ౮॥
బ్రాహ్మీ మే జఠరం పాతు నాభిం నారాయణీ తథా |
ఊరు మాహేశ్వరీ నిత్యం చాముడ్డా పాతు లిఙ్గకం ॥ ౯॥
కౌమారీ చ కటీం పాతు తథైవ జానుయుగ్మకం |
అపరాజితా చ పాదౌ మే వారాహీ పాతు చాస్గులీన్ ॥ ౧౦॥
సన్ధిస్థానం నారసింహీ పత్రస్థా దేవతావతు |
రక్షాహీనన్తు యజ్ఞానం వర్జితం కవచేన తు ॥ ౧౧॥
తత్సర్వ్వం రక్ష మే దేవి కాలికే ఘోరదక్షిణే |
ఊర్ధమధస్తథా దిక్షు పాతు దేవీ స్వయం వపుః ॥ ౧౨॥
హింప్రేభ్యః సర్వ్వదా పాతు సాధకఞ్చ జలాధికాత్ |
దక్షిణాకాలికా దేవీ వ్యపకత్వే సదావతు ॥ ౧౩||
ఇదం కవచమజ్ఞాత్వా యో జపేద్దేవదక్షిణాం |
న పూజాఫలమాప్నోతి విఘ్నస్తస్య పదే పదే ॥ ౧౪॥
కవచేనావృతో నిత్యం యత్ర తత్రైవ గచ్ఛతి |
తత్ర తత్రాభయం తస్య న క్షోభం విద్యతే క్వచిత్ ॥ ౧౫॥

ఇతి కాలీకులసర్వ్వస్వే కాలీకవచం సమాప్తమ్ ॥