SREE ANNAPURNA STOTRAM Lyrics

శ్రీ అన్నపూర్ణా స్తోత్రం

నిత్యానందకరీ వరాభయకరీ సౌందర్య రత్నాకరీ
నిర్ధూతాఖిల ఘోర పావనకరీ ప్రత్యక్ష మాహేశ్వరీ ।
ప్రాలేయాచల వంశ పావనకరీ కాశీపురాధీశ్వరీ
భిక్షాం దేహి కృపావలంబనకరీ మాతాన్నపూర్ణేశ్వరీ ॥ 1 ॥

నానా రత్న విచిత్ర భూషణకరి హేమాంబరాడంబరీ
ముక్తాహార విలంబమాన విలసత్-వక్షోజ కుంభాంతరీ ।
కాశ్మీరాగరు వాసితా రుచికరీ కాశీపురాధీశ్వరీ
భిక్షాం దేహి కృపావలంబనకరీ మాతాన్నపూర్ణేశ్వరీ ॥ 2 ॥

యోగానందకరీ రిపుక్షయకరీ ధర్మైక్య నిష్ఠాకరీ
చంద్రార్కానల భాసమాన లహరీ త్రైలోక్య రక్షాకరీ ।
సర్వైశ్వర్యకరీ తపః ఫలకరీ కాశీపురాధీశ్వరీ
భిక్షాం దేహి కృపావలంబనకరీ మాతాన్నపూర్ణేశ్వరీ ॥ 3 ॥

కైలాసాచల కందరాలయకరీ గౌరీ-హ్యుమాశాంకరీ
కౌమారీ నిగమార్థ-గోచరకరీ-హ్యోంకార-బీజాక్షరీ ।
మోక్షద్వార-కవాటపాటనకరీ కాశీపురాధీశ్వరీ
భిక్షాం దేహి కృపావలంబనకరీ మాతాన్నపూర్ణేశ్వరీ ॥ 4 ॥

దృశ్యాదృశ్య-విభూతి-వాహనకరీ బ్రహ్మాండ-భాండోదరీ
లీలా-నాటక-సూత్ర-ఖేలనకరీ విజ్ఞాన-దీపాంకురీ ।
శ్రీవిశ్వేశమనః-ప్రసాదనకరీ కాశీపురాధీశ్వరీ
భిక్షాం దేహి కృపావలంబనకరీ మాతాన్నపూర్ణేశ్వరీ ॥ 5 ॥

ఉర్వీసర్వజయేశ్వరీ జయకరీ మాతా కృపాసాగరీ
వేణీ-నీలసమాన-కుంతలధరీ నిత్యాన్న-దానేశ్వరీ ।
సాక్షాన్మోక్షకరీ సదా శుభకరీ కాశీపురాధీశ్వరీ
భిక్షాం దేహి కృపావలంబనకరీ మాతాన్నపూర్ణేశ్వరీ ॥ 6 ॥

ఆదిక్షాంత-సమస్తవర్ణనకరీ శంభోస్త్రిభావాకరీ
కాశ్మీరా త్రిపురేశ్వరీ త్రినయని విశ్వేశ్వరీ శర్వరీ ।
స్వర్గద్వార-కపాట-పాటనకరీ కాశీపురాధీశ్వరీ
భిక్షాం దేహి కృపావలంబనకరీ మాతాన్నపూర్ణేశ్వరీ ॥ 7 ॥

దేవీ సర్వవిచిత్ర-రత్నరుచితా దాక్షాయిణీ సుందరీ
వామా-స్వాదుపయోధరా ప్రియకరీ సౌభాగ్యమాహేశ్వరీ ।
భక్తాభీష్టకరీ సదా శుభకరీ కాశీపురాధీశ్వరీ
భిక్షాం దేహి కృపావలంబనకరీ మాతాన్నపూర్ణేశ్వరీ ॥ 8 ॥

చంద్రార్కానల-కోటికోటి-సదృశీ చంద్రాంశు-బింబాధరీ
చంద్రార్కాగ్ని-సమాన-కుండల-ధరీ చంద్రార్క-వర్ణేశ్వరీ
మాలా-పుస్తక-పాశసాంకుశధరీ కాశీపురాధీశ్వరీ
భిక్షాం దేహి కృపావలంబనకరీ మాతాన్నపూర్ణేశ్వరీ ॥ 9 ॥

క్షత్రత్రాణకరీ మహాభయకరీ మాతా కృపాసాగరీ
సర్వానందకరీ సదా శివకరీ విశ్వేశ్వరీ శ్రీధరీ ।
దక్షాక్రందకరీ నిరామయకరీ కాశీపురాధీశ్వరీ
భిక్షాం దేహి కృపావలంబనకరీ మాతాన్నపూర్ణేశ్వరీ ॥ 10 ॥

అన్నపూర్ణే సదాపూర్ణే శంకర-ప్రాణవల్లభే ।
జ్ఞాన-వైరాగ్య-సిద్ధ్యర్థం భిక్షాం దేహి చ పార్వతీ ॥ 11 ॥

మాతా చ పార్వతీదేవీ పితాదేవో మహేశ్వరః ।
బాంధవా: శివభక్తాశ్చ స్వదేశో భువనత్రయం ॥ 12 ॥

సర్వ-మంగళ-మాంగళ్యే శివే సర్వార్థ-సాధికే ।
శరణ్యే త్ర్యంబకే గౌరి నారాయణి నమోఽస్తు తే ॥ 13 ॥

ఇతి శ్రీమత్పరమహంసపరివ్రాజకాచార్యస్య శ్రీగోవిందభగవత్పూజ్యపాదశిష్యస్య శ్రీమచ్ఛంకరభగవతః కృతౌ అన్నపూర్ణా స్తోత్రమ్ ।

SREE ANNAPURNA STOTRAM

nityānandakarī varābhayakarī saundarya ratnākarī
nirdhūtākhila ghōra pāvanakarī pratyakṣa māhēśvarī ।
prālēyāchala vaṃśa pāvanakarī kāśīpurādhīśvarī
bhikṣāṃ dēhi kṛpāvalambanakarī mātānnapūrṇēśvarī ॥ 1 ॥

nānā ratna vichitra bhūṣaṇakari hēmāmbarāḍambarī
muktāhāra vilambamāna vilasat-vakṣōja kumbhāntarī ।
kāśmīrāgaru vāsitā ruchikarī kāśīpurādhīśvarī
bhikṣāṃ dēhi kṛpāvalambanakarī mātānnapūrṇēśvarī ॥ 2 ॥

yōgānandakarī ripukṣayakarī dharmaikya niṣṭhākarī
chandrārkānala bhāsamāna laharī trailōkya rakṣākarī ।
sarvaiśvaryakarī tapaḥ phalakarī kāśīpurādhīśvarī
bhikṣāṃ dēhi kṛpāvalambanakarī mātānnapūrṇēśvarī ॥ 3 ॥

kailāsāchala kandarālayakarī gaurī-hyumāśāṅkarī
kaumārī nigamārtha-gōcharakarī-hyōṅkāra-bījākṣarī ।
mōkṣadvāra-kavāṭapāṭanakarī kāśīpurādhīśvarī
bhikṣāṃ dēhi kṛpāvalambanakarī mātānnapūrṇēśvarī ॥ 4 ॥

dṛśyādṛśya-vibhūti-vāhanakarī brahmāṇḍa-bhāṇḍōdarī
līlā-nāṭaka-sūtra-khēlanakarī vijñāna-dīpāṅkurī ।
śrīviśvēśamanaḥ-prasādanakarī kāśīpurādhīśvarī
bhikṣāṃ dēhi kṛpāvalambanakarī mātānnapūrṇēśvarī ॥ 5 ॥

urvīsarvajayēśvarī jayakarī mātā kṛpāsāgarī
vēṇī-nīlasamāna-kuntaladharī nityānna-dānēśvarī ।
sākṣānmōkṣakarī sadā śubhakarī kāśīpurādhīśvarī
bhikṣāṃ dēhi kṛpāvalambanakarī mātānnapūrṇēśvarī ॥ 6 ॥

ādikṣānta-samastavarṇanakarī śambhōstribhāvākarī
kāśmīrā tripurēśvarī trinayani viśvēśvarī śarvarī ।
svargadvāra-kapāṭa-pāṭanakarī kāśīpurādhīśvarī
bhikṣāṃ dēhi kṛpāvalambanakarī mātānnapūrṇēśvarī ॥ 7 ॥

dēvī sarvavichitra-ratnaruchitā dākṣāyiṇī sundarī
vāmā-svādupayōdharā priyakarī saubhāgyamāhēśvarī ।
bhaktābhīṣṭakarī sadā śubhakarī kāśīpurādhīśvarī
bhikṣāṃ dēhi kṛpāvalambanakarī mātānnapūrṇēśvarī ॥ 8 ॥

chandrārkānala-kōṭikōṭi-sadṛśī chandrāṃśu-bimbādharī
chandrārkāgni-samāna-kuṇḍala-dharī chandrārka-varṇēśvarī
mālā-pustaka-pāśasāṅkuśadharī kāśīpurādhīśvarī
bhikṣāṃ dēhi kṛpāvalambanakarī mātānnapūrṇēśvarī ॥ 9 ॥

kṣatratrāṇakarī mahābhayakarī mātā kṛpāsāgarī
sarvānandakarī sadā śivakarī viśvēśvarī śrīdharī ।
dakṣākrandakarī nirāmayakarī kāśīpurādhīśvarī
bhikṣāṃ dēhi kṛpāvalambanakarī mātānnapūrṇēśvarī ॥ 10 ॥

annapūrṇē sadāpūrṇē śaṅkara-prāṇavallabhē ।
jñāna-vairāgya-siddhyarthaṃ bhikṣāṃ dēhi cha pārvatī ॥ 11 ॥

mātā cha pārvatīdēvī pitādēvō mahēśvaraḥ ।
bāndhavā: śivabhaktāścha svadēśō bhuvanatrayam ॥ 12 ॥

sarva-maṅgaḻa-māṅgaḻyē śivē sarvārtha-sādhikē ।
śaraṇyē tryambakē gauri nārāyaṇi namō'stu tē ॥ 13 ॥

iti śrīmatparamahaṃsaparivrājakāchāryasya śrīgōvindabhagavatpūjyapādaśiṣyasya śrīmachChaṅkarabhagavataḥ kṛtau annapūrṇā stōtram ।